Təhsildə İnnovativ Texnologiyalar Əlavə Təhsil Mərkəzinin təşkilatçılığı ilə 27 mart 2021-ci il tarixində peşəkar təlimçimiz Alqış Həsrətovun təqdimatında növbəti “Onlayn dərslərdə interaktivlik” özəl distant təlimi baş tutdu.

Təlim zamanı iştirakçı müəllimlərdə müasir dövr üçün zəruri olan interaktiv dərs alətlərindən istifadə bacarıqları formalaşdırıldı. Öncəliklə proqamın imkanları ilə tanış olan və tapşırıqları yerinə yetirən müəllimlər daha sonra dərs təqdimatlarını proqram vasitəsilə necə reallaşdıra biləcəklərini öyrəndilər.

Təlim onlayn dərsin ümumi strukturu və əsas prinsipləri, şagirdin nəzərində interaktiv dərs, onlayn dərsi necə interaktiv etməli - "0-dan izah" və şagirdlərin onlayn təhsildən kənarda qalmaması üçün alternativ yollar kimi mövzuları əhatə etdi.

İştirakçı müəllimlər sonda təşəkkür edərək bu cür interaktiv təlimlərin davam etməsinin effektivliyini qeyd etdilər. Qeyd edək ki, “Onlayn dərslərdə interaktivlik” təliminə qeydiyyat davam edir: https://ite.edu.az/az/kurs/51