Bizim Haqqımızda
Təhsildə İnnovativ Texnologiyalar Əlavə Təhsil Mərkəzi (Innovative Technologies in Education - ITE) innovasiyalar və rəqəmsallaşma vasitəsilə təhsil müəssisələrində tədrisin keyfiyyətini yaxşılaşdırmaq missiyasını həyata keçirən (bir) təhsil şirkətidir.
2012-ci ildə təsis edilən ITE müxtəlif təlim proqramları və tədris metodologiyalarından istifadə edərək 180.000-dən çox müəllimə xidmət göstərib. Əsas məqsədi informasiya texnologiyalarının təhsildə tətbiqi olan ITE aparıcı qlobal institutlarının fərqli öyrənmə strategiyaları və məzmunlarından istifadə edir. Biz Azərbaycan Elm və Təhsil Nazirliyi tərəfindən COVID-19 pandemiyası zamanı 1,4 milyondan çox təhsilalanın təhsilə çıxışını təmin edən Virtual Məktəb Layihəsi ətrafında qurulan konsorsiumun fəxri üzvüyük.
ITE dövlət və özəl təhsil müəssisələri üçün rəqəmsal mühitin inkişafı, tədris məzmununun beynəlxalq standartlara uyğunlaşdırılması, təhsilalanların sertifikatlaşdırılması, pedaqoqların peşəkar inkişafı və təhsil analitikasını birləşdirən rəqəmsal transformasiya xidmətləri təklif edir.
Biz inanırıq ki, müxtəlif təhsil texnologiyaları və hər bir insana fərdi yanaşma gələcəyin əsasıdır.
